Sapaatit akunnerannut 18-imut aningaasaliissutinik 8. marsi 2024 nallertinnagu qinnuteqaritsi
2024-mi Sapaatit akunnerannut 18-imut aningaasaliissutinik qinnuteqarnissamut periarfissaq ammaqqippoq. Ulloq qinnuteqarfissaq kingulleq tassaavoq 8. marts 2024.
Ataatsimoorfinnik peqqinnartunik tamanullu tikilluaqqusisunik pilersitseqataassaagut!
Imigassamik aalakoornartumik atuisarnerput atueriaaserpullu Sapaatit akunneranni 18-mi sammissavarput. Tamatumani pissutsit piviusut eqqumaffigalugit imitsinnullu illersorniarluta imigassamik peqqinnarnerusumik atuisarnissarput atueriaaseqarnissarpullu qulakkeerniagassaraarput.
- Iliuuseqarneq
- Ataatsimoorluni iliuuseqarneq
- Isumalimmik iliuuseqarneq
Tamakkuupput peqqinnarnerusumik ineriartornissatsinnut sunneeqataasartut. Iliuutsit tamanik peqaaffigineqarsinnaasut iluaqutaasullu soorlu, pingortitameeqatigiinnerit, kulturitsinnik sammisaqatigiinnerit, ilaqutariilluni sammisaqarnerit, pilinerit nereqatigiittarnerillu tassaapput isumalimmik ataatsimoornissamut ukkatarinnitsitseqataasut.
Ataatsimoorluni iliuuseqaqatigiittarnerit kulturitsinnik naleqartitatsinnillu tunngaveqartut nuannaalersitsisarput. Sumiiffinni ataasiakkaani meeqqanut ilaqutariinnullu ataatsimoorfiusuni sunniuteqarluartuni sammisaqartitsisarnerit tarnikkut peqqissutsimut iluaqutaasaqaat.
Sapaatit akunnerat 18 pillugu uani paasisarnerusinnaavutit.
'
Paasisaqarnerorusunnermi attavigisassaq
Paarisa oqarasuaammut: 34 50 00-mut mailikkulluunniit uunga: paarisa@nanoq.gl