airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Isumakkut peqqissuseq

Isumakkut peqqissuuneq tassaavoq imminut inuunermillu iluarisimaarneq, allanullu ataatsimooqatigiittunut akulerussinnaaneq. Isumakkut peqqissuseq ataatsimoorluta pilersittarparput.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

NAMMINEQ QANOQ ILIUUSEQARSIN­NAAVUNGA? 

Qanoq taamaaliorsinnaasutit allaaserisatsinni atuaruk:

Thinkinuk
Illit nammineq allallu isumakkut peqqissusaat pitsaanerulersissinnaavatit qanoq eqqarsartarnivit eqqumaffigineratigut aamma nuannersunik, atoriaannaasunik asannittunillu eqqarsaateqarnissap sungiusarneratigut.

Isumakkut peqqissutsimut ABC
A
ct - Iliuuseqarit!
Belong - Allat peqatigalugit iliuuseqarit!
Commit - Isumaqarluartumik iliuuseqarit!


Soorlu illarneq tuniluuttartoq, taamatuttaaq atugarissaarneq tuniluuttarpoq, aamma iliuutsitta uagutsinnut avatangiisitsinnullu siunniutaat siammariartortuartarput.

Isumakkut peqqissutsimut ABC

Piviusoq 

Isumakkut peqqissuuneq atugarissaarnertut misigineruvoq, taamatut misigisoqartillugu inuup piginnaanini ineriartortittarpai, ulluinnarni unamminartut uippakajaarnartullu aaqqissinnaavai inuillu allat ilagalugit ataatsimoorfiusunut akulerussinnaalluni.

Isumakkut peqqissutsit timikkut peqqissutsitulli isumassorneqartussaallunilu paaqqutarineqartussaavoq.

Suut isumakkut peqqissutsit­sinnik nakus­satsitsisarpat? 

Isumakkut peqqissutsivit isumassornerani qanoq nakussatsinneqartarnera ilisimassallugu pitsaasuuvoq. Arlallit isumakkut peqqissutsinnut ajunngitsumik sunniuteqartarput. Taakkua ilagaat pissutsit atukkatit, ilaqutariinni pissutsit aamma illit avatangiisinni ataatsimoorfiusut allat inuiaqatigiillu.

Pissutsit atukkatit

  • Ajunngitsumik imminut isiginnittaaseqarnerit
  • Uippakajaarnartunik unamminartunillu aaqqiinissamut piginnaaneqarluarnerit
  • Imminut piginnaaninnillu upperinerit
  • Ulluinnarni inuunivit isumaqarluarneranik ataqatigiinneranillu misiginerit
  • Inunnut allanut atanisutut attaveqarluartutullu misiginerit
  • Timikkut peqqissuunerit
  • Sinilluartarnerit

Ilaquttanni ataatsimoorfinnilu allani pissutsit

  • Angajoqqaat isumassuisut ilaqutariittullu atalluarneq
  • Najukkanni suliffinnilu ilorrisimaarnerit
  • Ikinngutit ilaquttallu tapersersuisut
  • Ataatsimoorfimmut pitsaasumut ilaaneq
  • Atuarfimmi ikinngutilluunniit akornanni akuerisaaneq
  • Ilinniarfeqarfimmi suliffimmilu pitsaasunik misilittagaqarneq

Inuiaqatigiinni pissutsit

  • Avatangiisit toqqissisimanartut
  • Pitsaasumik najugaqarneq
  • Aningaasaqarnikkut qularnaaqqaneq
  • Ilinnialersinnaaneq
  • Ilinniarfeqarfimmi suliffeqarfimmilu avatangiisit tapersersuisut toqqissisimanartullu
  • Suliffittaarsinnaaneq

Isumamut peqqissutsimut ABC

Isumakkut peqqissuuneq tassaavoq atugarissaarneq ingerlalluarnerlu – inuunermi isumaqarluartumik, nuannersumik naleqartumillu iliuuseqarneq. Isumakkut peqqissutsimut ABC tassaavoq suliniut ilisimatusarnermik tunngaveqartoq, tassaniippullu illit nammineq allallu isumakkut peqqissusaannik pitsaanerulersitsinissamut siunnersuutit atoriaannaasut.

Uani atuaruk

Thinkinuk

Thinkinuk iluaqutigalugu eqqarsaatinnik sulissutiginninnissannut taamaalillutilllu isumakkut peqqissutsinnik nakussatsitsinissamut sakkussannik aalajangersimasunik pissarsisinnaavutit.

Uani atuaruk