airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Thinkinuk

Thinkinuk iluaqutigalugu eqqarsaatinnik sulissutiginninnissannut taamaalillutilllu isumakkut peqqissutsinnik nakussatsitsinissamut sakkussannik aalajangersimasunik pissarsisinnaavutit.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Isumakkut peqqissutsit nakussatsiguk! 

Eqqarsaatitit eqqumaffiginninnerillu atorlugit imminut allallu qanoq paarisinnaagitit paasiniaruk.

Thinkinuk alakkaruk eqqarsaatillu silarsuaat paasisassarsiorfigalugu, qaratsap nakorsaateqarfia pillugu ilinniarumallutit oqaluttuat atuarlugilluunniit tusarnaakkit.


Silarsuarmi eqqarsaatit assigiinngitsut marluupput. Eqqarsaatit pitsaasut eqqarsaatillu ulorianartut. Eqqarsaatit pitsaasut ilaannikkut nuannersuuneq ajorput. Aliasulerneq, kamalerneq ersilernerluunniit inuunerup ilagiinnarpaa. Aatsaat annertuallaalerpata sivisuallaalerpataluun­niit ulorianarsisarput.

Thinkinuk

Isumap naqinnerisa tulleriiaarneri ilinniakkit… 

Thinkinuk iluaqutigalugu eqqarsaatitit atorlugit imminut inoqatinnullu paarsinissat ilinniarsinnaavat.

Thinkinuk-mi ulluinnarni oqaatsit, assit oqaluttuallu atorlugit ilisimasaqalerlutillu isumassarsiorsinnaavutit. Eqqarsaatitit atorlugit imminut allanillu paarsinissamut sakkussannik – minnerunngitsumik inuuneq artornarsigaangat – pissarsissaatit.

Pitsaasunik, atoriaannaasunik asannittunillu eqqarsaateqarsinnaanerput atorlugu inuunermi ajornartorsiutit tamaasa aaqqissinnaavagut.

Thinkinuk-mi siunertaavoq imminut inoqatinullu tunngatillugu eqqarsaatit ulorianartut eqqarsaatinut pitsaasunut, atoriaannaasunut asannittunullu saatsinnissaat taamaalillunilu pissutsinik unamminartunik tamalaanik aaqqiillaqqinnerulernissaq.


Oqaatsit ulluinnar­siutaasut oqaluttuallu 

Thinkinuk tassaavoq oqaatsit ulluinnarsiutit assersuusiallu pillugit ilisimasat isumassarsiorfissallu paasiuminartut. Thinkinuk paasiuminartuummat kikkut tamarmik pissarsiaqarfigisinnaavaat.

Ukioqatigiinnut assigiinngitsunut tamanut oqaluttuat naatsut Thinkinuk-mi qitiulluinnarput: eqqarsaatit suunerat, eqqarsaativut sumut – pimoorussassanut nuannersunullu – atortarnerivut pillugit oqaluttuat.

Oqaluttuarisaanerup ingerlanerani inuit kulturini tamani oqaluttuarnikkut inuuneq pillugu eqqarsaatitik takorloortakkatillu ingerlateqqittarsimavaat.

Nunatsinni oqaluttualiani pinngortitarsuup assigiinngisitaarnera inuit assigiinngisitaarnerannut akulerutsinneqartarpoq.

Thinkinuk pillugu 

Pitsaaliuinermut Isumaginninnermullu Aqutsisoqarfimmi Paarisa suleqatigalugu Thinkinuk ineriartortinneqarpoq. Suliniut siusinnerusukkut Tatitussutsimik ilisimaneqartoq nakorsaanermit Poul Lundgaardimit ineriartortinneqarpoq kingusinnerusukkullu perorsaasoq Louise Lundgaard suleqatigalugu Thinkinuk-inngortillugu ineriartorteqqinneqarluni.

Suliniut Thinkinuk ilisimatusarnermik – pingaartumik eqqarsaatersorneq pillugu ilisimatusarnermik – tunngaveqarpoq.

Eqqarsaatersorneq tassaavoq nammineq allallu eqqarsaataat pillugit eqqarsarsinnaaneq.

Isumakkut peqqissuseq

Isumakkut peqqissuuneq tassaavoq imminut inuunermillu iluarisimaarneq, allanullu ataatsimooqatigiittunut akulerussinnaaneq. Isumakkut peqqissuseq ataatsimoorluta pilersittarparput.

Uani atuaruk

Isumamut peqqissutsimut ABC

Isumakkut peqqissuuneq tassaavoq atugarissaarneq ingerlalluarnerlu – inuunermi isumaqarluartumik, nuannersumik naleqartumillu iliuuseqarneq. Isumakkut peqqissutsimut ABC tassaavoq suliniut ilisimatusarnermik tunngaveqartoq, tassaniippullu illit nammineq allallu isumakkut peqqissusaannik pitsaanerulersitsinissamut siunnersuutit atoriaannaasut.

Uani atuaruk