airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Isumamut peqqissutsimut ABC

Isumakkut peqqissuuneq tassaavoq atugarissaarneq ingerlalluarnerlu – inuunermi isumaqarluartumik, nuannersumik naleqartumillu iliuuseqarneq. Isumakkut peqqissutsimut ABC tassaavoq suliniut ilisimatusarnermik tunngaveqartoq, tassaniippullu illit nammineq allallu isumakkut peqqissusaannik pitsaanerulersitsinissamut siunnersuutit atoriaannaasut.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Isumakkut peqqissutsit nakusatsiguk! 

Isumakkut peqqissutsit timikkut peqqissutsitulli isumassorneqartussaallunilu paaqqutarineqartussaavoq .

Siunnersuutit uku isumakkut peqqissutsimut ABC-meersut malinnerisigut isumakkut peqqissutsit nakussatsissinnaavat:

  • Act - Iliuuseqarit!
  • Belong - Allat peqatigalugit iliuuseqarit!
  • Commit - Isumaqarluartumik iliuuseqarit!

Sunut tamanut pikkorissinnaanngilagut, kikkut tamarmik pikkoriffeqarput ataatsimoorlutalu angusaqarnerujussuu­sinnaavugut.

Isumakkut peqqissutsimut ABC

Isumakkut peqqissuseq tamanut iluaqutaasoq! 

Isumakkut peqqissuseq ataatsimoorluta pilersittarparput. Siunnersuutit isumakkut peqqissutsimut ABC-meersut malikkit illillu nammineq allallu isumakkut peqqissusaat nakussatsillugu:

Act - Iliuuseqarit
Ilisimatusarnikkut paasineqarpoq inuit timikkut, isumakkut, inooqataanikkut anersaakkullu iliuuseqartut tamakkuninnga sammisaqanngitsunit isumakkut peqqissusaat pitsaanerusartoq. Iliuuseqartarutta nuannaarnerulissallutalu ulluinnarnilu unamminartut aaqqinnissaat ajornannginnerutilissavarput. Kisimiilluni aamma allat ilagalugit asimiinneq isumakkut peqqissutsitsinnut iluaqutaavoq.

Belong - Allat peqatigalugit iliuuseqarit
Ataatsimoorfimmut akuusutut ilaasutullu misigineq isumakkut peqqissutsimut aalajangiisuulluinnarpoq. Sammisaqartitsinernut assigiinngitsunut ilaagaangatta inunnik nutaanik ilinniarnissarput ataatsimoorfimmullu ilaalernissarput ilimanarnerulissaaq. Inuk arlalinnik ilisimasarisaqartoq inuunermi unamminartunik qaangiilluarsinnaanerusarpoq.

Commit - Isumalimmik iliuuseqarit
Imminut unammillertarneq anguniakkanillu, aamma mikisunik, angusisarneq angusaqarsimasutut misigisitsisarpoq. Allanik ikiuineq ataatsimoorfimmilu tapertaaneq, assersuutigalugu kajumissutsimik suleqataaneq, imminut nuannaartinnermut allanillu nuannaartitsinermut pitsaasumik sunniuteqartarpoq. Tamanna isumaqarluartumik iliuuseqartutut inuunermilu siunertaqartutut misiginerulersitsisarpoq.


Isumakkut peqqissutsimut ABC pillugu 

Isumakkut peqqissutsimut ABC-mi isumakkut peqqissuseq, sutigut tamatigut inuttut atugarissaarnerulersitsinermut nakussatsitsinermullu tunngasoq, pitsaasumik iliuuseqarnermillu pingaartitsisumik ukkatarineqarpoq. Isumakkut peqqissutsimut ABC tamanit atorneqarsinnaavoq. Siunnersuutit isumakkut peqqissutsimik pitsaanerulersitsisartunik ilisimatusarnermik tunngaveqarput.

Isumakkut peqqissutsimut ABC-mi Act-Belong-Commit, Australiami Curtin University-mi ineriartortinneqartoq, aallaavigineqarpoq.

Danmarkimi Statens Institut for Folkesundhed-ip isumakkut peqqissutsimut ABC ineriartortippaa.

Uani paasisaqarnerugit.

Isumakkut peqqissuseq

Isumakkut peqqissuuneq tassaavoq imminut inuunermillu iluarisimaarneq, allanullu ataatsimooqatigiittunut akulerussinnaaneq. Isumakkut peqqissuseq ataatsimoorluta pilersittarparput.

Uani atuaruk

Thinkinuk

Thinkinuk iluaqutigalugu eqqarsaatinnik sulissutiginninnissannut taamaalillutilllu isumakkut peqqissutsinnik nakussatsitsinissamut sakkussannik aalajangersimasunik pissarsisinnaavutit.

Uani atuaruk