airplanebooksbriefcase business cogs cross election entertainment fish house law lockmedicalpeopleselfservices socialtax
Ikiorneqarit

Ujaruk

Imminut toqunnissamik eqqarsaate­qarneq

Erloqinartorsioruit imminulluunniit toqunnissamik eqqarsaateqaruit, taava tamanna pillugu oqaloqateqarit.

Kisivit taamatut misiginngilatit. Inuit amerlanerit inuunerminni piffissap ilaani aalajangersimasumilluunniit pisoqaraangat misigisarput kisimiillutik saperlutik.

TUSAANNGA

Ajornartorsiutit nammineq aaqqissinnaanngitsutut misigisatit pillugit oqaloqateqarnissamik pisariaqartitsiguit Tusaannga attavigiuaannarsinnaavat.

Attaveqarneq akeqanngilaq kinaassutsimillu isertuussisuulluni.

Tusaannga ulloq unnuarlu, sapaatip akunnerata ulluini tamani ammasarpoq.

SMS

1899

Oqarasuaat

80 11 80

80 11 80

Ikioqqugit! 

Imminut toqunnissamik eqqarsaateqartut tamatigut iliuuseqarfigisariaqarput. Imminut toqunnissamik eqqarsaateqaruit kisimiillutit eqqarsaatigiinnartassanngilatit. Ikiortissarsiussaatit annernartullu pillugit oqaloqateqartarlutit. Imminut toqunnissamik eqqarsaateqaleraangavit ikiortissarsiortarnissat ikiorneqartarnissallu pingaaruteqartorujussuuvoq.


Kisimiinngilatit! Ikiortissaqarputit! 

Artorsarneq ikiorneqartariaqarnerlu ajortuunatillu kanngunartuunngillat. Taamaattumik artorsarnerit inunnut qanigisannut oqaluttuarisassavat.

Tusaannga ulloq unnuarlu, sapaatip akunnerata ulluini tamani ammasarpoq.

Sianerit: 80 11 80 SMS: 1899

Siunnersortit ilinnik ikiuinissamut piareersimapput.

Aamma Politiit (70 14 48) sumiiffinnilu ataasiakkaani

peqqissaaviit ulloq unnuarlu ammajuaannartut allattorsimaffiat uani takujuk.

Thinkinuk ilisimasat, oqaluttuat tusarnaagassiallu ulorianartunik eqqarsaateqarunnaarlutit nuannersunik eqqarsaateqalernissamut iluaqutigikkit.


Atuarsinnaasatit allat

Isumakkut peqqissuseq

Isumakkut peqqissuuneq tassaavoq imminut inuunermillu iluarisimaarneq, allanullu ataatsimooqatigiittunut akulerussinnaaneq. Isumakkut peqqissuseq ataatsimoorluta pilersittarparput.

Uani atuaruk

Isumamut peqqissutsimut ABC

Isumakkut peqqissuuneq tassaavoq atugarissaarneq ingerlalluarnerlu – inuunermi isumaqarluartumik, nuannersumik naleqartumillu iliuuseqarneq. Isumakkut peqqissutsimut ABC tassaavoq suliniut ilisimatusarnermik tunngaveqartoq, tassaniippullu illit nammineq allallu isumakkut peqqissusaannik pitsaanerulersitsinissamut siunnersuutit atoriaannaasut.

Uani atuaruk

Thinkinuk

Thinkinuk iluaqutigalugu eqqarsaatinnik sulissutiginninnissannut taamaalillutilllu isumakkut peqqissutsinnik nakussatsitsinissamut sakkussannik aalajangersimasunik pissarsisinnaavutit.

Uani atuaruk
Qarasaasianni paasissutissat ilaat atoqqissinnaajumallugit quppernermi matumani cookie't atorneqartarput.Akueriuk annertunerusumilluunniit uani paasisaqarit.