airplanebooksbriefcase business cogs cross election entertainment fish house law lockmedicalpeopleselfservices socialtax

Ujaruk

Timimik aalatitsineq

Timit aalanissamut pinngortitaavoq, timimillu aalatitsisarnerit timikkut tarnikkullu ilorrisimaarninnut peqqissutsinnullu pingaaruteqarpoq. Timimik aalatitsineq tassaasinnaavoq pisuttuarneq, eqqiaaneq, meeqqannik pinnguaqateqarneq, timersorneq kiisalu piniarneq aalisarnerlu.

Paarisa malinnaaf­figiuk

... peqqissuunissamillu qinersineq ajornanngitsu­mik qinersininngortiguk.

Timimik aalatitsinerit tamarmik iluaqutaapput  

Nerisaqarnermut Timigissarnermullu Siunnersuisoqatigiit kaammattuutigaat meeqqat inersimasullu ullormut sivikinnerpaamik akunnermi ataatsimi timiminnik aalatitsisassasut.
Timimik aalatitsineq tassaasinnaavoq sikkilerluni/pisulluni suliartorneq angerlarnerlu, piniarneq, eqqiaaneq, timersorneq, arsarneq allarpassuillu.

Timikkut tarnikkullu peqqissutsinnut iluaqutaavoq:  

  • Allat peqatigalugit timinnik aalatitsinerit.
  • Asimi timinnik aalatitsinerit.

Peqqinnartumik inooriaaseqarnissamut isumassarsiorit
Paarisap Facebook-imi nittartagaa malinnaaffigiuk peqqinnerlu – pingaartumik nerisaqarneq timersornerlu pillugit – siunnersuutitsialaat iluaqutigalugit. Takutissavarput peqqinnartunik toqqaasarneq qanoq ajornannginnerulerlunilu pissusissamisoornerulersinnaanersoq.

Piviusoq 

Timimik aalatitsineq tassaavoq sunaluunniit nukinik atuinerulersitsisoq. Timimik aalatitsineq ilinnut timinnullu iluaqutaavoq. Tamatuma saniatigut timimik aalatitsineq tarnikkut peqqissutsimut iluaqutaasarlunilu imminut tatiginerulersitsisarpoq, imminut naleqarnerulersitsisarpoq, nuannaarnerulersitsisarpoq allanullu attaveqarluarnerulersitsisarluni.

Timinnik aalatitsigaangavit aamma oqimaappallaalernissat assigiinngitsunillu nappaateqalernissat, soorlu sukkulernissat (type 2- diabetes), uummatikkut taqarsuisigut nappaateqalernissat kræfteqalernissallu pitsaaliortarpatit.

Timimik aalatitsilaaginnarneq aalatitsinnginnermit ajunnginneruvoq, aamma timimik aalatitsisarnermut tunngatillugu annikitsunik allannguineq peqqissutsinnut sunniuteqaqataasinnaavoq.

TIMIMIK AALATITSERIAA­SEQ SORLEQ TOQQASSAVIUK? 

Timersoriaaseq timimilluunniit aalatitseriaaseq nuannarinerpaasat toqqaruk! Isikkammik arsarneq, qitinneq ujakkaarnerluunniit nuannaraajuk? Imaluunniit ilaquttatit ilagalugit qaqqamut pisuttuassallutit nuannarineruiuk? Nuannarisavit iliuuserinissaat ajornannginnerusarpoq, tamanna timinnut tarninnullu iluaqutaassaaq.

Amerlasuut ikinngutertik ilaqutartilluunniit ilagalugu timimik aalatitsineq iluarinerusarpaat – taamaalillusi nuannisaqatigiissinnaavusi aamma piumassuseqarpallaanngikkaan­gassi ikioqatigiittarsinnaavusi.

UUMMATIT TILLERNERULIS­SAAQ! 

Timinnik aalatitseriaatsit qanoq sakkortutiginersoq timinni malugeriaannaavat. Sapaatip-akunnerata ingerlanerani arlaleriarluni akunnattumik qaffasissumillu sakkortussusilimmik timimik aalatitsisarnissaq pingaaruteqarpoq.

Akunnattumik sakkortussusilik tassaavoq anertikkalaarneq, kisianni suli oqaloqateqarsinnaalluni. Qaffasissumik sakkortussusilik tassaavoq uummatip sukkasuumik tillilernera, taamaalineranilu oqaloqateqarnissaq sapernarsisarpoq. Sakkortussuseq timimik aalatitsinerup peqqissutsikkut qanoq iluaqutaatigineranut aalajangiisuusarpoq.


Naartusut timersornissaat

Timimik aalatitsisarneq – aamma naartunermi – pitsaasuuvoq. Naartunerit tamaat timikkut nukittunissat ilinnut naartunnullu iluaqutaassaaq.

Uani atuaruk

65-it sinnerlugit ukiullit timiminnik aalatitsinis­saat

Timinnik aalatitsisarnerit – aamma utoqqaligaluarlutit – ilinnut timinnullu iluaqutaassaaq. Peqqissuunissap ulluinnarnilu suliassat isumagisinnaanissaannut piginnaaneqarnissap qulakkeernissaannut timimik aalatitsisarneq pingaaruteqarpoq.

Uani atuaruk

Naalungiarsuit meeqqallu mikisut timiminnik aalatitsisarne­rat

Naalungiarsuit meeqqallu mikisut ulluinnarni sapinngisamik annerpaamik timiminnik aalatitsinissamut periarfissaqassapput. Sammisaqaqatigiinneq illit meeqqavillu akornanni qanilaarnermik attaveqaqatigiinnermillu nakussatsitsisarpoq.

Uani atuaruk