Atuarsinnaasatit allat
Paarisa ukiut tamaasa atuarfimmi, suliffeqarfimmi inuiaqatigiinnilu timimik aalatitsinerunissamik suliniutinik pitsaanerpaanik toqqaasarpoq. Ukiumi atuarfik, suliffeqarfik inuiaqatigiinnilu eqeersimaartut novembarip 14-ani 2020-mi Maligassiuisut Show-imi nersorneqarlutillu nersornaaserneqarput.
Paarisa malinnaaffigiuk
... peqqissuunissamillu qinersineq ajornanngitsumik qinersininngortiguk.
Inuit amerlanerusut timimik aalatitsinermut tunngatillugu nuannaarnerulernissamut ataatsimoornerulernissamullu isumassarsiorsinnaaqqullugit suliniutit pitsaasut nittarsarusullugillu nalliusserusuppagut. Allat ilagalugit timimik aalatitsigaangatta isumaqarluartumillu sammisaqaraangatta timerput nakussatsiinnarnagu aamma isumakkut peqqissuserput, atugarissaarnerput inuunittalu pitsaassusaa nakussatsittarparput.
Kangaatsiami Qinnguata Atuarfia ukioq 2020 atuarfittut eqeersimaartutut toqqarneqarpoq.
Ukiuni pingasuni kingullerni atuartitsinerni anitsiarnernilu timimik aalatitsisoqarnissaa atuarfimmit pimoorullugu sulissutigineqarsimavoq. Atuarfiup takusinnaavaa atuarnerup nalaani timimik aalatitsineq atuartut atugarissaarnerannik ilinniartinneqarnissaminnullu piumassuseqarnerannik pitsaanerulersitsisartoq.
Atuarfiup eqeersimaartuuniarnermini ilinniartitsisut, angajoqqaat atuartullu akuutinnissaat pingaartissimavaa taamaalillunilu suliniutip amerlasuunit taperserneqarnissaa qulakkeersimallugu.
Qinnguata Atuarfiata takutippaa ataatsimoorluni pimoorussillunilu suliniuteqarnikkut qanoq atuarfittut eqeersimaartunngortoqarsinnaasoq. Atuarnerup nalaani timimik aalatitsineq ataatsimoornermik, ilinniarusussutsimik atuartullu piumassuseqarluarnerannik nukissaqarnerannillu pitsaanerulersitsisarpoq.
Qasigiannguit Katersugaasiviat ukioq 2020 suliffeqarfittut eqeersimaartutut toqqarneqarpoq.
Suliffeqarfimmi illoqarfimmilu timimik aalatitsinerunissaq katersugaasivimmit assut sulissutigineqarpoq. Qasigiannguit Katersugaasiviata sammisassaqartitsinerni inuiaqatigiit akuutinnissaat ukkatarisarlugulu Qasigiannguani innuttaasut tamarmik timikkut isumakkullu peqqissuunissamut periarfissaqarnissaat anguniagarisarpaa.
Inuup timikkut tarnikkullu peqqissusaanik pitsaanerulersitsinissaq siunertaralugu katersugaasivik isumaqarluartunik akuutitsisunillu sammisassaqartitsisarpoq. Sammisassaqartitsinermi kulturitoqaq nalitsinnut naleqqussarsimasoq aallaavigineqartarpoq.
Qasigiannguit Katersugaasiviata takutippaa inuiaqatigiinni akisussaaffimmik pingaartitsinikkut aamma kulturip timimik aalatitsinermut atassuserneratigut suliffeqarfimmi illoqarfimmilu ataatsimoornermik atugarissaarnermillu suliffeqarfik qanoq pitsanngorsaaqataasinnasoq.
Iluliarmiu Abia Ottosen ukioq 2020 inuiaqatigiinni eqeersimaartutut toqqarneqarpoq.
Abia Ottosen pitsaaliuilluni suliaqarnermik nuannarisaqarluni aallussilluartuuvoq . Politiitut sulinermi saniatigut ukiuni 30-ni kingullerni pitsaaliuinermik ukkatarinnilluni kajumissutsimik suliaqarnermik aallussisimavoq. Abia Ottosenip innuttaasut qassinilluunniit ukiullit akuutittarlugillu assigiinngitsorpassuit suleqatigalugit suliniutini naammassisarsimavai.
Abiap meeqqanik inuusuttunillu ineriartortitsinissani pingaarnertut soqutigisaraa. Sammisassaqartitsinernut assigiinngitsunut, assersuutigalugu asimi tammaarsimaarnernut ungasissunullu pisuttuarnernut, nammineq kajumissutsiminik aaqqissuussisarpoq. Meeqqat inuusuttullu inuunerminni inuttut alloriarnissamut immikkut tapersersorneqarnissamik pisariaqartitsisut ilagalugit asimut ungasissumik pisuttuartarpoq.
Abia Ottosenip takutippaa timimik aalatitsinerunissap, ataatsimoornissap inuiaqatigiinnilu atugarissaarnerunissap akuuffigineratigut innuttaasutut qanoq inoqatinut minnerunngitsumillu meeqqanut inuusuttunullu annertuumik sunniuteqartoqarsinnaasoq.
Atuarsinnaasatit allat
Unammisitsineq: Ukioq manna Eqeersimaartoq
Paarisa ukiut tamaasa ukiumut ataatsimoorfimmi eqeersimaartitsisumik suliniutinik pitsaanerpaanik toqqaasarpoq.
Uani atuaruk2022-mi Eqeersimaartuni ajugaasut
Paarisa ukiumut ataatsimoorfimmi eqeersimaartitsisut. Ukiumi ataatsimoorfimmi eqeersimaartitsisut eqeersimaartut oktobarip 22-ani 2022-mi Maligassiuisut Show-imi nersorneqarlutillu nersornaaserneqarput.
Uani atuaruk2021-mi Eqeersimaartuni ajugaasut
Paarisa ukiut tamaasa atuarfimmi, suliffeqarfimmi inuiaqatigiinnilu timimik aalatitsinerunissamik suliniutinik pitsaanerpaanik toqqaasarpoq. Ukiumi atuarfik, suliffeqarfik inuiaqatigiinnilu eqeersimaartut novembarip 5-ani 2021-mi Maligassiuisut Show-imi nersorneqarlutillu nersornaaserneqarput.
Uani atuarukTimimik aalatitsineq
Timit aalanissamut pinngortitaavoq, timinnillu aalatitsisarnerit timikkut tarnikkullu ilorrisimaarninnut peqqissutsinnullu pingaaruteqarpoq. Timimik aalatitsineq tassaasinnaavoq pisuttuarneq, eqqiaaneq, meeqqannik pinnguaqateqarneq, timersorneq kiisalu piniarneq aalisarnerlu.
Uani atuaruk65-it sinnerlugit ukiullit timiminnik aalatitsinissaat
Timinnik aalatitsisarnerit – aamma utoqqaligaluarlutit – ilinnut timinnullu iluaqutaassaaq. Peqqissuunissap ulluinnarnilu suliassat isumagisinnaanissaannut piginnaaneqarnissap qulakkeernissaannut timimik aalatitsisarneq pingaaruteqarpoq.
Uani atuaruk